Ginebra import pinauwi na?

Ginebra import pinauwi na?

Hindi na pinagtagal pa ng Barangay Ginebra si Helbert Hill, pinauwi na agad ito at diumano’y magpaparada na ng bagong reinforcement sa susunod na laro ng Gin Kings sa PBA Commissioner’s Cup sa Biyernes.


Nakakadismaya raw ang ipinakita ni Hill sa kanyang debut game nang masilat ang Gins sa Air21, 74-70, noong Linggo.


Tumapos si Hill ng 17 points, 18 rebounds at four blocked shots, pero may six turnovers, sablay sa unang 10 tira at mukhang kulang sa intensidad na inaasahan lalo’t kulang ang locals ng Kings.


Ilan sa mga pangalan na lumutang na posibleng ipalit kay Hill sina Brian Butch, Vernon Macklin at Tim Ohlbrecht. Ayon sa sources,kapag pumayag ang isa sa tatlo ay papupuntahin na rito sa susunod na tatlong araw.


Si Macklin ang 52nd pick ng Detroit noong 2011 at naglaro sa Pistons hanggang 2012. Nasa Rio Grande Valley Vipers siya ngayon sa NBA D-League.

Starting center ng Vipers ang 6-11 na si Tim Ohlbrecht, teammate ni Dirk Nowitzki sa German national team.

Nasa Bakersfield Jam sa NBDL si Butch.

Source: Abante-tonite.com