Kings babangon kontra Painters

by **Ginebra Tambayan** Fri Feb 24, 2012 10:30 am

Kings babangon kontra Painters

Laro ngayon: (Al Shabab Sports Club-Dubai, UAE)
11:00 p.m. (7:00 p.m.) United Arab Emirates time) -- Rain or Shine vs. Barangay Ginebra

Inaasahang magiging madali para sa Barangay Ginebra ang pagbangon mula sa huling pagkasilat sa Alaska Milk sa pagsabak sa pagod na Rain or Shine sa pangalawa’t huling laro sa Al-Shabab Sports Club sa Dubai, United Arab Emirates ngayong alas-11:00 ng gabi (alas-siyete ng gabing oras sa ‘Pinas).

Bago ang pakikipagtuos ng Brgy. Ginebra (1-1) sa RoS (0-2), mamaya sa misyon ng Philippine Basketball Association (PBA) na mapasaya ang Overseas Filipino Workers na tinuturing na mga bagong bayani sa modernong panahon, sumasabak pa ito sa Barako Bull (1-2) hanggang presstime kagabi.

Kaya manalo o matalo ang Elasto Painters na dumating ng Dubai via Abu Dhabi noong Miyerkules ng tanghali makalipas ang 12 araw na paglalakbay sa kalawakan gaya ng dalawa pang pro teams, inaasahang masasamantala ito ng Kings para makabawi buhat sa 74-76 loss sa Aces noong Sabado sa Lucena City out-of-town game.

“It’s a privilege for us to go out of the country and play in front of our kababayans.

Hopefully, we could come home with a win to make this trip extra special,” komento ni Ginebra coach Siot Tanquingcen, na ang buena-manong panalo’y natoma kontra Petron Blaze, 12 araw na ang nakalilipas, 84-82.

Hindi lingid kay Tanquingcen na hindi pa rin dapat magrelaks sila kontra Painters lalo’t kung masingitan ng Energy ay halos do-or-die na ito sa laban nila sa sprint 37th midseason conference ng pro league.

Apat agad ang mababaklas pagkaraan ang 9-game eliminations ng Commissioner’s Cup para magbakasyon at ang anim ang mga eentra sa playoffs.

Awtomatikong aabante ang top two finishers sa elims pa-Final Four at ang Nos. 3-4-5 nat 6 ang dadaan pa sa quarterfinals.

Source: Abante-Tonite