Ginebra patuloy na binibigyang pag-asa ni Caguioa

by **Ginebra Tambayan** Tue Mar 27, 2012 10:11 am

Ginebra patuloy na binibigyang pag-asa ni Caguioa

Ni Russell Cadayona (Pilipino Star Ngayon) Updated March 27, 2012 12:00 AM

MANILA, Philippines - Para sa kanilang hangaring makakuha ng playoff para sa isa sa dalawang outright semifinals berth, kakailanganin ng Barangay Ginebra ang produksyon ni Mark Caguioa.

Sa malaking 91-81 panalo ng Gin Kings kontra sa Barako Bull Energy noong Linggo, kumolekta si Caguioa ng game-high 25 points, 7 rebounds at 2 steals upang angkinin ang isang quarterfinals seat sa 2012 PBA Commissioner’s Cup.

Kasalukuyang tangan ng nagdedepensang Talk ‘N Text ang liderato mula sa kanilang 6-2 rekord kasunod ang B-Meg (6-3), Ginebra (5-3), Alaska (5-4), Barako Bull (4-5), Powerade (4-5), Meralco (4-5), Air21 (3-5) at mga talsik nang Petron Blaze (3-5) at Rain or Shine (3-6).

Sa kanyang ipinakitang kabayanihan, napili ang 2011 PBA Rookie of the Year bilang Accel-PBA Press Corps Player of the Week.

Kailangang manalo ang Ginebra sa Air21 bukas para makatabla ang B-Meg.

Sakaling magkaroon ng isang three-way tie mula sa kanilang magkakatulad na 6-3 baraha, lalabanan ng Gin Kings ang alinman sa Llamados o Tropang Texters para sa No. 2 slot sa semifinals.

Source: Philstar.com